Energetika vazirligi xabariga ko‘ra, bugun, 19-iyul kuni soat 12:40 da Toshkent shahar Shayxontohur tumanidagi “Ayni” podstansiyasida nosozlik yuzaga kelgan.
Buning natijasida Shayxontohur va Chilonzor tumanlaridagi 3600dan ortiq isteʼmolchi elektr taʼminotidan uzilgan.
Maʼlum qilinishicha, hozirgi vaqtda nosozlikni bartaraf etish ishlari olib borilmoqda. Vazirlik keltirilgan noqulayliklar uchun isteʼmolchilardan uzr so‘ragan.