Toshkent shahar Uchtepa tumanida 8 ta mashina ishtirokida yo‘l-transport hodisasi sodir bo‘ldi. Bu haqda Toshkent shahar IIBB YHXB maʼlumot berdi.
Aniqlanishicha, 31 may kuni soat 21:00 larda Uchtepa tumani THAY - Zargarlik ko‘chalari kesishgan chorrahada 8 ta transport vositasi ishtirokida yo‘l-transport hodisasi kuzatilgan. Xususan:
- “KAMAZ” yuk mashinasi;
- Lacetti avtomashinasi;
- Spark avtomashinasi;
- Lacetti avtomashinasi;
- Spark avtomashinasi;
- Lacetti avtomashinasi;
- Nexia-3 avtomashinasi;
- Matiz avtomashinalari ishtirokida yo‘l-transport hodisasi sodir bo‘lgan.
YTH oqibatida Lacetti avtomashinasi haydovchisi tan jarohati olib, shifoxonaga olib ketilgan. Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.