“Toshshahartransxizmat” AJning tasarrufidagi barcha avtobuslar, “Toshavtotaʼmirxizmat” UK servis xizmati xodimlari tomonidan avtobus haydovchilari boshqaruv vaqtida tezlikni oshirmasliklari uchun maxsus dastur orqali tezliklari 50 km/ soat bilan chegaralanmoqda.
Qayd etilishicha, bu dastur qo‘llanilgach avtobuslar tezligi 50 km/ soatdan oshmaydi. Har bir avtobusning old oynasiga ogohlantiruvchi belgilar yopishtiriladi.
“Mazkur ishlar yo‘lovchilar xavfsizligini taʼminlash va yo‘llarda sodir bo‘lishi mumkin bo‘lgan favqulodda holatlarni oldini olish maqsadida qilinmoqda”, - deydi “Toshshahartransxizmat” AJ xodimi.