Maʼlumotlarga ko‘ra, Toshkent shahridagi “Allianse Motors” MCHJ mijozlar bilan shartnoma tuzib, mashinalarni vaqtida keltirib bermagan. Ayrimlarni esa yetkazib berilgan avtoransport vositasining hujjatini to‘g‘rilab bermasdan ovora qilmoqda. Holat bo‘yicha Bosh prokuratura matbuot kotibi munosabat bildirdi.
Qayd etilishicha, avtosalon masʼullariga nisbatan Jinoyat kodeksining 168-moddasi (Firibgarlik) va boshqa modda bilan jinoyat ishi qo‘zg‘atilgan.
Jamiyat mansabdor shaxslari 19 nafar fuqaroga avtomashina olib kelib berish haqida yolg‘on vaʼdalar berib, 6 mlrd 169 mln so‘m to‘lov pulini o‘zlarining ehtiyojlari uchun sarflab yuborishganligi aniqlangan.