Toshkent shahrida harakatlanayotgan “Damas” rusumli mashinada yong‘in chiqdi. Bu haqda Favqulodda vaziyatlar vazirligi matbuot xizmati xabar bermoqda.
Maʼlum qilinishicha, hodisa bugun, 11 may kuni, soat 13:23 da Bunyodkor shohko‘chasida ro‘y bergan. Ikkita yong‘in-qutqaruv ekipaji soat 13:34 da voqea joyiga yetib borib, yong‘in soat 13:37 da o‘chirilgan.
Hodisa oqibatida tan jarohati olgan va halok bo‘lganlar yo‘q.
Hozirda yong‘in sababi va moddiy zarar miqdori aniqlanmoqda.