Poytaxtda kelasi dushanbadan boshlab xonadonlar va ijtimoiy soha obyektlarini bosqichma-bosqich issiqlik energiyasi bilan taʼminlash boshlanadi.
Toshkent shahar hokimligi Matbuot xizmatining xabar berishicha, shahar hokimining qaroriga asosan, markazlashgan issiqlik taʼminotidan foydalanuvchi isteʼmolchilarni issiqlik bilan taʼminlash maqsadida, 3 noyabr soat 00:00 dan boshlab issiqlik manbalaridan issiqlik muhitining aylanma harakati yo‘lga qo‘yiladi.
Muvofiq ravishda, 6-noyabrdan boshlab ijtimoiy soha obyektlari va ko‘p xonadonli turar-joy binolarini issiqlik energiyasi bilan bosqichma-bosqich taʼminlash ishlari boshlanadi.
Turar-joyingizda yoki rahbarlik qilayotgan muassasangizda issiqlik taʼminoti yoqilishi jarayonida biror-bir muammo va nosozliklar aniqlasa yoki issiqlik yetkazib beruvchi tashkilot, XUJMSH va BSK rahbarlari yoki mutasaddilari tomonidan belgilangan ishlarni to‘laqonli amalga oshirilmayotgan bo‘lsa 1055 yoki 71 210-01-87, 71 210-01-41, 71 210-01-11, 71 210-01-63 raqamlariga yoki bo‘lmasam ijtimoiy tarmoqlardagi sahifalarga murojaat qilishingiz so‘raladi.