Bugun, 22-yanvar kuni Toshkent shahrining Mirzo Ulug‘bek tumanida Tracker hamda avtobus ishtirokida yo‘l-transport hodisasi sodir bo‘ldi. Holat yuzasidan shahar IIBB maʼlumot berdi.
Qayd etilishicha, soat 00:40 larda Mirzo Ulug‘bek ko‘chasi 4-sonli avtokorxona qarshisida 1998 yilda tug‘ilgan haydovchi A.T. Tracker avtomobilida tezlikni oshirib harakatlangan. Natijada rul boshqaruvini yo‘qotib, yo‘l chetida harakatsiz turgan Isuzu rusumli avtobus bilan to‘qnashuv sodir etgan. To‘qnashuvdan so‘ng Tracker avtomobilining old qismida yong‘in chiqqan.
YTH oqibatida Tracker avtomobilidagi yo‘lovchilar — 1992 yilda tug‘ilgan D.U., 1992 yilda tug‘ilgan M.P. va 1998 yilda tug‘ilgan S.A.lar turli darajadagi tan jarohatlari bilan shifoxonaga yotqizilgan.
Hozirda mazkur holat yuzasidan tergovga qadar tekshiruv o‘tkazilmoqda.