Ukraina hukumati Rossiya neftining eksporti uchun belgilangan “narxlar chegarasi”dan noroziligini bildirmoqda. Avvalroq Yevropa Ittifoqi, G7 va Avstraliya cheklovlar joriy etishga kelishib olgandi.
Kiyev bir barrel uchun 60 dollarlik chegarani juda yuqori deb hisoblamoqda. Ukraina vakillari ikki barobar past narxni, ya’ni 30 dollarni taklif qilishgan.
“Afsuski, Rossiya neftining eksport narxini cheklash bo‘yicha munozaralar yakuniga yetdi. Bu terroristik davlatning byudjeti uchun juda qulaydir”, deydi Ukraina rahbari.
Gʻarb matbuotiga ko‘ra, Rossiya sanksiyalar ostida eksportni davom ettirish uchun boshqa narsalar qatori Eron va Venesuyeladan tankerlar flotini shakllantirmoqda.