JSSTning navbatdagi hisobotiga ko‘ra, shu yil boshidan buyon 31 mamlakatda vabo epidemiyasi qayd etildi.
“Ko‘rsatkichlar yil sayin oshib borayotgani xavotirli. Masalan, o‘tgan yili vaboga chalinish holatlari 2021-yilga nisbatan ikki baravar ko‘paygan edi. Bu yil esa vaziyat yana-da yomon", — deydi JSST rahbari Tedros Gebreyesus.
Hozir epidemiya o‘choqlarining katta qismi Afrika mamlakatlari hududiga to‘g‘ri keladi. Xalqaro ekspertlarning prognoz qilishicha, kelgusida yillik kasallanishlar soni 1,3 milliondan 4 millionga yetishi mumkin.