Qo‘qon shahrida B.N. ismli ayol IIBga murojaat qilib, unda voyaga yetmagan S.N. voyaga yetmagan o‘g‘li A.A.ni orqasidan kuzatib, yashash xonadoni darvozasi oldiga yetib kelgan vaqtida, uni qo‘lida bo‘lgan narxi 2.500.000 so‘mlik "Samsung S-10" rusumli telefon apparatini tortib olib, talonchilik yo‘li bilan qo‘lga kiritganini bildirgan.
Mazkur holat yuzasidan Qo‘qon shahar IIO FMB huzuridagi tergov bo‘limi tomonidan Jinoyat kodeksining 166-moddasi 1-qismi (talonchilik) bilan jinoyat ishi qo‘zg‘atilib, protsessual tartibda ushlangan.
Hozirda surishtiruv ishlari olib borilmoqda.
Avvalroq, Toshkentda talonchilar do‘kon sotuvchisini pichoq bilan qo‘rqitib, 4 million so‘mini olib ketgani haqida xabar berilgandi.
Munojat Valiyeva
