17-21 aprel kunlari Badiiy akademiya va qator vazirlik, tashkilotlar hamkorligida respublikamiz bo‘ylab 2023 yil — Insonga eʼtibor va sifatli taʼlim yiliga bag‘ishlangan Xalqaro anʼanaviy Tasviriy va amaliy sanʼat festivali o‘tkaziladi.
Bugun, 14 aprel kuni shu munosabat bilan O‘zbekiston Badiiy akademiyasida Xalqaro sanʼat festivalini tashkil qilish va o‘tkazish chora-tadbirlariga bag‘ishlangan matbuot anjumani bo‘lib o‘tdi.
Festival davomida bir qancha xalqaro ko‘rgazmalar, tasviriy va amaliy sanʼatga doir xalqaro va respublika ahamiyatiga doir konferensiyalar, Xalqaro Turksoy(turkiy davlatlar rassomlaridan iborat) ishtirokchilarining ko‘rgazmasi, mahorat darslari bo‘lib o‘tishi ko‘zda tutilgan.