Gaagadagi Xalqaro jinoiy sud (XJS) o‘zining prokurori Karim Xonga qarshi tergov o‘tkazadi. Bu haqida Reuters agentligi o‘z manbalariga tayanib xabar bermoqda.
Xon jinsiy zo‘ravonlikda ayblanmoqda. Jinoyat-protsessual kodeksiga aʼzo davlatlar o‘rtasida ichki hujjat tarqatildi, unda Xonni tergov paytida o‘z lavozimidan voz kechishga chaqirilgan.
Prokurorni oktyabr oyidayoq taʼqib qilishda ayblashgan. U bu ayblovlarni rad etdi va o‘zi ichki tergov o‘tkazishni so‘radi. Tazyiqlardan jabrlangan deb taxmin qilinayotgan ayol tergov o‘tkazishi kerak bo‘lgan XJS ichki organining mustaqilligiga shubha bilan qaraydi, chunki uni Xonning sobiq qo‘l ostidagi shaxs boshqaradi. Prokuror va uning himoyachisi vaziyatga izoh bermadi.
Aynan Karim Xonning iltimosiga ko‘ra, 2023 yilda Rossiya Federatsiyasi prezidenti Vladimir Putin va bolalar ombudsmani Mariya Lvova-Belovani hibsga olishga order bergan. Ular Ukrainaning bosib olingan hududlaridan bolalarni Rossiyaga noqonuniy deportatsiya qilishda gumonlanmoqda.
Shuningdek, 2024 yil may oyida Xon Binyamin Netanyahu va HAMASning uch nafar yetakchisini hibsga olish uchun order berishni talab qilgan edi.