Pekinda “Bir makon, bir yo‘l” uchinchi xalqaro forumi boshlandi. Unda so‘zga chiqqan Xitoy rahbari Xitoy blok siyosatini qabul qilmasligi va sanksiyalarga qarshi ekanini maʼlum qildi.
“Biz mafkuraviy qarama-qarshilikda, geosiyosiy o‘yinlarda yoki blokli siyosiy qarama-qarshilikda qatnashmaymiz. Biz bir tomonlama sanksiyalar, iqtisodiy majburlash va aloqalarni uzishga qarshimiz”, — dedi Xitoy rahbari.
Uning so‘zlariga ko‘ra, Xitoy yolg‘iz o‘zi uchun alohida modernizatsiyani amalga oshirmaydi, u dunyoning barcha mamlakatlarini modernizatsiya qilish uchun harakat qilishga tayyor.
"Biz modernizatsiyani faqat Xitoy uchun emas, balki ko‘plab rivojlanayotgan mamlakatlar bilan birgalikda modernizatsiya qilishni umid qilamiz", — dedi u.
Maʼlum qilinishicha, kelgusi besh yilda (2024-2028 yillarda) Xitoyning tovar va xizmatlar tashqi savdosi mos ravishda 32 trillion va 5 trillion dollardan oshishi kutilmoqda.
"Xitoy 140 dan ortiq mamlakatlar va mintaqalar uchun asosiy savdo sherigiga aylandi, shuningdek, tobora ortib borayotgan mamlakatlar uchun asosiy sarmoya manbaiga aylanmoqda", — dedi Si Szinpin.
Eslatib o‘tamiz, Rossiya Federatsiyasi, Qozog‘iston, O‘zbekiston va boshqa bir qator davlatlar prezidentlari “Bir makon, bir yo‘l” uchinchi xalqaro forumida ishtirok etish uchun Pekinda bo‘lib turibdi.