AQSH kemalarining Tayvan bo‘g‘ozi orqali o‘tishi provokatsiya hisoblanadi. Bu haqda Xitoyning BMTdagi doimiy vakili Chjan Szyun maʼlum qildi.
U Vashingtonni bu kabi harakatlarni amalga oshirmaslikka chaqirgan. Diplomat Xitoy suvereniteti va hududiy yaxlitligiga tahdidlarni to‘xtatishni talab qilgan.
Yakshanba kuni AQSH harbiy dengiz kuchlarining ikki raketa kreyserlari Tayvan bo‘g‘ozidan o‘tdi. Shu munosabat bilan Xitoy Qurolli kuchlari yuqori darajadagi jangovar shaylikka keltirilgan.