Kecha, 5 iyul kuni Xitoyning sharqiy Shandun provinsiyasidagi Xeze shahrida kuchli tornado hodisasi kuzatildi. Oqibatda bir kishi halok bo‘ldi va 79 kishi jarohatlandi.
Tornado juma kuni mahalliy vaqt bilan 14.30 atrofida sodir bo‘lgan. U avtomobillar, daraxtlar va uy tomlarini havoga uchirib yuborgan. Ko‘plab xususiy uylar va binolar zarar ko‘rgan.
Hozirda Favqulodda vaziyatlar vazirligi xodimlari hodisa oqibatlarini bartaraf etish ishlarini olib bormoqda.