Janubiy Koreya Prezidentining milliy xavfsizlik bo‘yicha maslahatchisi Cho Taye Yong Yonhap agentligiga mamlakat rasmiylari kelajakda Ukrainaga o‘q-dori yetkazib berish haqida o‘ylayotganini aytdi.
Uning qo‘shimcha qilishicha, vaziyatni joylarda kuzatish, shuningdek, ko‘plab holatlarni hisobga olish rejalashtirilgan. Unga ko‘ra, hozirda Janubiy Koreya hukumati Kiyevga gumanitar va moliyaviy yordam ko‘rsatmoqda.
«Biz vaziyatni joyida kuzatib borganimizdan so‘ng va boshqa vaziyatlarni hisobga olgan holda o‘q-dorilarni yetkazib berish imkoniyatlarini ko‘rib chiqishni rejalashtirmoqdamiz», — dedi Cho Taye Yong.
Shu bilan birga, u bu masalani ko‘rib chiqish haqida gap ketayotgani va Seul hozirda o‘q-dorilarni yetkazib berish bo‘yicha rejalari yo‘qligini taʼkidladi.