Tuman logotipi o‘ziga xos maʼnoga ega bo‘lib, unda Yangihayot so‘zidagi ikki kalit harf – “Y” va “h” ifodalangan. Ushbu harflar moviy va zangori ranglarda bo‘lib, ular yangi, toza, sof hayotni bildiradi. Logotip shaklida o‘tkir va chorak aylana kesishuvlaridan foydalanilgan. Bu uslub o‘zida ham sharqona, ham zamonaviy minimalistik uslubni o‘zida mujassamlashtirgani bilan eʼtiborga loyiq. Shuningdek, harflar shakli yaproqlarni eslatadi. Yaproqlar esa katta bir daraxt bo‘lib, tuman Vatanimizning bir bo‘lagi ekanini anglatadi.
Yangi tuman Yangi O‘zbekistonning yangi hayotini o‘zida mujassam etishga, har ishda kreativ, birinchi va masʼuliyat bilan yondashishga bel bog‘lagan. Tuman o‘z imijini yaratarkan, ushbu logotipni ko‘rganingizda Yangi bir hayot, sifat, farovonlik va masʼuliyat esingizga tushishini maqsad qilgan.
Bahriniso Madumarova