Yaponiya Tashqi ishlar vaziri Yosimasa Hayashi boshchiligidagi delegatsiya O‘zbekistonga tashrif buyuradi. Bu haqda TIV rasmiy vakili xabar berdi.
Tashrif 2022 yil 29-30 aprel kunlari bo‘lib o‘tadi.
Bo‘lajak uchrashuv va muzokaralar chog‘ida O‘zbekiston-Yaponiya munosabatlarining siyosiy, savdo-iqtisodiy, investitsiyaviy, transport-logistika va boshqa sohalardagi bugungi holati va rivojlanish istiqbollari muhokama qilinadi.
Avvalroq O‘zbekiston tashqi ishlar vaziri o‘zgargani to‘g‘risida xabar berilgandi.