«Lan» to‘foni Yaponiyaning Xonsyu orolining g‘arbiy va markaziy qismlariga yetib keldi.
Bo‘ron kuchli yomg‘ir va shiddatli shamolni olib keldi. Kansay xalqaro aeroportida kamida 20 kishi tan jarohati oldi, 600 dan ortiq kishiga yordam ko‘rsatilgan. Vakayama prefekturasida ko‘chki xavfi tufayli 26 mingdan ortiq aholi evakuatsiya qilindi. To‘fon munosabati bilan temiryo‘l aloqalari to‘xtatildi, 800 dan ortiq reyslar bekor qilindi.