Soat 10:00 holati bo‘yicha O‘zbekiston bo‘ylab yuz berayotgan kuchli yomg‘ir va shamol natijasida 6-10 kVli 190 ta fider 274 MVt quvvat bilan avariyaviy o‘chiq qolmoqda.
Oqibatda Qoraqalpog‘iston Respublikasi, Xorazm, Samarqand, Qashqadaryo, Buxoro va Toshkent viloyatlaridagi 66 ming 750 ta isteʼmolchi hamda kichik ishlab chiqarish sanoat korxonalari elektr taʼminotidan vaqtinchalik uzilgan.
Hozirgi vaqtda murakkab ob-havo sharoitiga qaramasdan, maxsus brigadalar tomonidan barcha nosozliklar bartaraf etilmoqda.
"Keltirilgan noqulayliklar uchun isteʼmolchilardan uzr so‘raymiz", deb xabar beradi Energetika vazirligi xabarida.