Qayd etilishicha, bugun, 7 fevral kuni soat 16:22 da Yuqori Chirchiq tumani “Iyk-Ota” MFY O‘zbekiston ko‘chasida joylashgan shaxsiy xonadonlarning birida yong‘in sodir bo‘lgan.
Yong‘in o‘chirish ekipajlari yong‘in joyiga soat 16:29 da yetib borib, alanga soat 16:37da o‘rab olingan va soat 16:47 da to‘liq o‘chirilgan.
Yong‘in natijasida tan jarohati olgan va vafot etgan fuqarolar to‘g‘risida xabar kelib tushmagan. Hozirda yong‘inning kelib chiqish sababi va zarari aniqlanmoqda.