Afrika Ittifoqi Ukraina prezidenti Vladimir Zelenskiyning iltimosini qondirishga va unga videokonferensiya orqali tashkilotga murojaat qilish imkoniyatini berishga qaror qildi. Bu haqda Senegal matbuot agentligi xabar berdi.
Agentlik ma’lumotlariga ko‘ra, hozirda bu qaysi sana va qanday sharoitlarda bo‘lib o‘tishi aniqlanmoqda. Zelenskiy 11 aprel kuni Salga qo‘ng‘iroq qilib, ittifoq hukumati rahbarlari bilan gaplashish imkoniyatini so‘radi.
Afrika Ittifoqi delegasiyasi rahbari Maki Sal Rossiya prezidenti Vladimir Putinning taklifiga binoan Rossiyaga boradi. Ikki davlat rahbarlarining uchrashuvi 3 iyun kuni Sochida bo‘lib o‘tadi.
Avvalroq Sal Kiyevga tashrif buyurishni rejalashtirgan, biroq Sochidan Gana poytaxti Akkraga uchib ketishga qaror qilgan, u yerda 4 iyun kuni Mali, Gvineya va Burkina-Fasodagi vaziyat bo‘yicha Gʻarbiy Afrika mamlakatlari iqtisodiy hamjamiyatining navbatdan tashqari sammiti bo‘lib o‘tadi.
