Владимир Путин Қирғизистон пойтахти Бишкек шаҳрига борди. Бу Россия раҳбарининг жорий йилдаги илк хорижий сафари бўлиб, у Мустақил Давлатлар Ҳамдўстлиги давлатлари раҳбарлари билан учрашади.
12 октябрь куни эрта тонгда Владимир Путиннинг самолёти Бишкек аэропортига қўнди. Россия раҳбарини Вазирлар Маҳкамаси раҳбари Оқилбек Жапаров кутиб олди.
Расмий ташриф доирасида Россия президенти Садир Жапаров билан музокаралар олиб боради, шунингдек, МДҲ саммитида иштирок этади.
Давлат раҳбарларининг Кант шаҳрида КХШТ авиабазаси очилганининг 20 йиллигига бағишланган тантанали тадбирда иштирок этиши режалаштирилган.
Эслатиб ўтамиз, Бишкекда ўтказилиши режалаштилаётган МДҲ раҳбарлари кенгашининг навбатдаги мажлисида Шавкат Мирзиёев ҳам иштирок этади.