Украина Вазирлар Маҳкамаси мамлакатнинг 2040 йилгача бўлган даврга мўлжалланган демографик ривожланиш стратегиясини тасдиқлади. Ҳужжатда қайд этилишича, 2024 йил июл ойи ҳолатига кўра, Украина аҳолиси 35,8 миллион кишини ташкил қилади.
Демография ва ҳаёт сифати институтининг прогнозига кўра, Украина аҳолиси 2051 йилга бориб 25,2 миллион кишигача камайиши мумкин. Украинада аҳолининг қисқариши кенг кўламли уруш бошланишидан олдин ҳам кузатилган, бироқ уруш туфайли вазият янада ёмонлашган.