Ўзбекистон йўлларида 6 ой ичида 100 га яқин бола ҳалок бўлди. Бу ҳақда Сенатнинг йигирма тўққизинчи ялпи мажлисида айтиб ўтилган.
Жорий йилнинг ўтган 6 ойида болалар билан боғлиқ 595 та йўл-транспорт ҳодисаси содир этилиб, уларда 529 нафар бола жароҳатланган, 97 нафари ҳалок бўлган. Бу Ички ишлар вазирининг 2022 йилнинг биринчи ярим йиллигида ҳуқуқбузарликларнинг олдини олиш ва уларнинг профилактикаси ҳолати тўғрисидаги ахборотида маълум қилинди.