Афғонистон бўйлаб наша (марихуана) етиштириш тақиқланди. Бу бўйича “Толибон” олий раҳбари Ҳибатуллоҳ Охундзода фармон имзолади.
Фармонга кўра, қонунбузарлар суд томонидан шариат қонунларига кўра жазоланади.
Мазкур ҳужжат тасдиқланган кундан бошлаб кучга киради ва расмий газетада эълон қилинади.
Маълумот учун: Афғонистон дунёдаги энг йирик афюн ва наша ишлаб чиқарувчилардан бири ҳисобланади. Мамлакатда наша ишлаб чиқариш ҳажми тўғрисида аниқ маълумотлар йўқ. 2022 йил декабрь ойида Афғонистонда мамлакат бўйлаб кўкнори етиштириш тақиқланганди.