Ижтимоий тармоқда Афғонистондан Ўзбекистон ҳудудига учинчи марта ракета ҳужуми уюштирилгани ва бу сафар 8 та снаряд отилгани ҳақида хабарлар тарқалди. Ҳолат юзасидан Мудофаа вазирлиги расмий муносабат билдирди.
Қайд этилишича, тарқатилаётган хабарлар ёлғон бўлиб, мутлақо ҳақиқатга тўғри келмайди. Ўзбекистон-Афғонистон давлат чегараси Ўзбекистон ҳарбийлари томонидан тўлиқ назорат қилинмоқда, вазият барқарор.
“Фуқароларимиздан бу каби ёлғон хабарларга ишонмасликлари ва расмий манбаларга таянишларини сўраб қоламиз”, — дейидади хабарда.