Греция пойтахтида нотинч намойишлар тинмаяпти. Митинг Афинада темирйўл ҳалокати муносабати билан бўлиб ўтмоқда.
Маҳаллий журналистларга кўра, парламент яқинидаги Синтагма майдонига камида 10 минг киши келган.
Темирйўлчилар, талабалар ташкилотлари, касаба уюшмалари, жамоат ташкилотлари барчани митингга чиқишга чақириб, ҳукуматдан фожиа сабаблари ва шароитларини тўлиқ ўрганишни, мамлакат темирйўл тармоғини барбод қилганларнинг барчасини жазолашни талаб қилишди.
Айримлар Бош вазир Кириакос Митсотакиснинг истеъфосини талаб қилган плакатлар кўтариб олган.