Бугун, 12 декабрь куни Тошкент вилоятининг Ангрен шаҳрида 5 та автомобиль иштирокида йўл-транспорт ҳодисаси содир бўлди. Ҳолат бўйича вилоят ИИББ ЙҲХБ маълумот берди.
Ҳодиса соат 15:10 ларда Ангрен шаҳри ҳудудидан ўтувчи А-373 М-39 Гулистон–Бўка–Ангрен–Қўқон ва Андижон орқали–Ўш автомобиль йўлининг 184-километрида юз берган. 1980 йилда туғилган ҳайдовчи Р.И. Isuzu русумли юк автомобилида ҳаракатланаётганда транспорт воситасининг тормози ишламай қолган ва ўзи билан бир йўналишда олдинда ҳаракатланиб кетаётган 3 та Nexia ва 2 та Cobalt русумли автомашиналарга тўқнашган.
ЙТҲ оқибатида ҳеч ким тан жароҳати олмаган. Ҳолат юзасидан Тошкент вилояти ИИББ ЖХХ ЙҲХБ ходимлари томонидан суриштирув ҳаракатлари олиб борилмоқда.