АҚШ Мудофаа вазири (Пентагон раҳбари) Панама ҳукумати билан муҳим келишувга эришилганини эълон қилди. Келишувга кўра, эндиликда АҚШ ҳарбий кемалари Панама каналидан бепул ўтиш ҳуқуқига эга бўлади.
Бундан ташқари, ушбу кемаларга бошқа кемалар олдида устуворлик берилади. Яъни, ҳарбий кемалар навбат кутмасдан канал орқали ҳаракатлана олади. Бу эса АҚШ мудофаа тизими учун стратегик қулайлик яратади.
Панама канали глобал савдо ва ҳарбий транзитда муҳим аҳамиятга эга бўлган йўлак ҳисобланади. АҚШнинг ушбу устуворликни қўлга киритиши минтақадаги ҳарбий-сиёсий таъсирини кучайтириши мумкин, дея таъкидламоқда таҳлилчилар.