Қўшма Штатлар ҳарбийлари Мinuteman III қитъалараро баллистик ракетасини синовдан ўтказди. Бу ҳақида АҚШнинг “Ванденберг” ҳарбий космик кучлар базаси матбуот хизмати хабар бермоқда.
“Ракета синови Қўшма Штатларнинг қудратли салоҳиятини ифодалайди ва мамлакатнинг 21-аср таҳдидларини самарали тарзда тийиб туришга қодирлигини кўрсатиш учун мўлжалланган. Шунга ўхшаш синовлар 300 мартадан кўпроқ ўтказилган ва бу синов дунёдаги ҳозирги воқеаларнинг натижаси эмас”, дейилади АҚШ ҳарбий-ҳаво кучларининг баёнотида.