АҚШнинг Миннесота штатидаги Бруклин-Парк шаҳрида кичик самолёт қўниш вақтида назоратни йўқотиб, турар-жой биносига қулаб тушди. Маълумотларга кўра, ҳодиса 29 март куни маҳаллий вақт билан 12:20 да содир бўлган.
Самолётнинг қулашидан сўнг кучли ёнғин келиб чиққан. Дастлабки маълумотларга кўра, самолёт бортидаги барча йўловчилар ва экипаж аъзолари ҳалок бўлган. Бироқ, уйдагилар жабрланмаган.
Ҳодиса жойига қутқарув хизматлари етиб келган, Миллий транспорт хавфсизлиги кенгаши (НТСБ) эса ҳалокат сабаблари бўйича тергов бошлаган. Расмийлар ҳодиса тафсилотларини аниқлаштиришда давом этмоқда.