Америка Қўшма Штатларида уйсизлар сони энг юқори даражага кўтарилди. Бу ҳақида АҚШ уй-жой ва шаҳарсозлик департаменти маълумот берган.
Департамент ҳисоботида таъкидланганишича, 2024 йил январь ойида мамлакатда бир кечада 771 480 киши бошпанасиз қолган, бу йиллик ҳисобда 18 фоизга кўпдир. Таққослаш учун, 2023 йил январь ойида АҚШда уйсиз қолган ва вақтинчалик бошпанада ёки машинада яшашга мажбур бўлганлар сони 650 мингтани ташкил этган.
Ҳужжатда, шунингдек, 2024 йилда болали оилалардаги бошпанасизлар сони 39 фоизга ошиб, 259 минг 473 нафарга етган. Қайд этилишича, уй-жойнинг қимматлиги, инфляция, иш ҳақининг турғунлиги каби омиллар бунга сабаб бўлган. Бундан ташқари, саломатлик инқирози ва табиий офатлар вазиятга салбий таъсир кўрсатган.