Ижтимоий тармоқлар ва мессенжерларда “Асакабанк” АЖ ҳисоб рақамидан 700 минг доллар ўғирлангани ҳақида маълумотлар тарқалди.
Банк ҳолатга расмий изоҳ бериб, ушбу ҳодиса мижозларининг жамғармаларига таъсир қилмаслигини ва уларнинг маблағлари тўлиқ хавфсиз эканлигини маълум қилди.
“Бугунги кунда “Асакабанк” АЖ ахборот тизимларига амалга оширилган киберхужумлар аниқланмаган”, — дейилади хабарда.
Қайд этилишича, аниқланган барча ҳуқуқбузарлик ҳолатлари бўйича материаллар белгиланган тартибда ҳуқуқни муҳофаза қилувчи органларга йўналтирилган.