Келгуси йилнинг февраль ойида Бали ҳукумати оролга кириш учун туристлардан 10 доллар олади. Индонезия провинцияси расмийлари бундай солиқ схемаси сайёҳлик маркази маданияти ва табиатини асраб-авайлашда яхши ёрдам бўлади деб ҳисобламоқда.
Солиқ электрон шаклда тўланади ва Индонезия фуқароларидан ташқари барча саёҳатчилар учун мажбурий бўлади.
Маълумот учун: Балига ҳар йили миллионлаб хорижий сайёҳлар ташриф буюради. Орол мамлакат бюджети учун фойданинг асосий манбайи ҳисобланади. Ўтган йил давомида туризм давлат ғазнасини қарийб 4,5 миллиард долларга тўлдирган.