"Барселона" янги мураббийлар штабини рўйхатдан ўтказишда қийналмоқда. Каталония клуби айни вақтда янги бош мураббий Ҳанси Флик ва унинг ходимларини рўйхатдан ўтказа олмаяпти. Бу ҳақда "Марса" нашри хабар берди.
Сабаби — "Барса"нинг молиявий муаммолари. Клуб биринчи навбатда мураббийни рўйхатдан ўтказиш учун пул топиши керак.
Шунингдек, Ла Лиганинг сўнгги мавсумида "кўк-анорранглилар" сафида ўйнаган футболчиларнинг ҳаммаси ҳам кейинги мавсум учун рўйхатдан ўтмагани таъкидланган.