Болгарияда 1921 йилдан бери биринчи вабо касаллиги қайд этилди. Касаллик ўткир диарея билан касалхонага борган 23 ёшли ҳиндистонлик эркакда аниқланган. Касаллик лаборатория маълумотлари билан тасдиқланган, деб хабар берган мамлакат санитария назорати.
Бемор билан алоқада бўлган яна бир киши ҳам изоляция қилинган. Шифохона ходимларига кўра, касалхонага ётқизилганларнинг аҳволи қониқарли. Тиббиёт муассасасида эпидемияга қарши қатъий режим жорий этилиб, дезинфекция ишлари олиб борилмоқда.