Фавқулодда вазиятлар вазирлигининг маълумот беришича, кеча, 21 июнь куни соат 20:43 да Тошкент вилояти, Чиноз туманидаги фермер хўжалигидан бирининг ҳудудида тахминан 3 гектар ғалладан бўшаган ер майдони ёнган (М-39 автомобиль йўли).
Воқеа жойига 1 та ёнғин-қутқарув экипажи соат 21:00 да етиб бориб, ёнғин соат 21:15 да ўчирилган.
«Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда», — дейилади вазирлик хабарида.