Жорий йилнинг 17 сентябрь кунлари Шимолий ярим шар (экватордан шимолда жойлашган ҳудудлар) аҳолиси ҳар 437 йилда бир марта Ер атрофидан учиб ўтувчи кометани кузатиши мумкин. Бу ҳақда "Тhe Guardian" нашри хабар берди.
Нишимура номли комета бир ой олдин олимлар томонидан аниқланган эди. Олимларнинг қайд этишича, қулай об-ҳаво шароитида осмон жисмини оддий кўз билан кўриш мумкин.
Нишимура кометаси 17 сентябрь куни Ердан 125 миллион километр узоқликда учиб ўтади. Маълумотларга кўра, кейинги сафар кометани 2460 йилда кўриш мумкин.