Иорданияда ўтказилаётган гандбол бўйича аёллар ўртасидаги Осиё чемпионатида Ўзбекистон терма жамоаси жаҳон чемпионатида иштирок этиш йўлланмасини қўлга киритди. Йўлланма учун ўтказилган беллашувда гандболчиларимиз Иорданияни 34:26 ҳисобида мағлуб этиб мундиал йўлланмаси соҳиби бўлди.
Ушбу ғалаба жамоамизни Осиёда кучли олтиликка киришига имкон берди. Мусобақа регламентига кўра, қитъа биринчилигида 1-6-ўринларни қўлга киритган жамоалар шу йилнинг декабрь ойида Испанияда бўлиб ўтадиган жаҳон чемпионатида иштирок этиш ҳуқуқига эга бўлади.
Эслатиб ўтамиз, Ўзбекистон аёллар гандбол жамоаси ўз тарихида иккинчи марта жаҳон чемпионати йўлланмасини қўлга киритди.
Жамшид Амиров