«Ливерпул» марказий ҳимоячиси Жо Гомес Саудиянинг «Ал-Иттиҳод» клуби эътиборини тортмоқда. Бу ҳақда таниқли инсайдер Фабрицио Романо хабар берди.
Манбага кўра, 26 ёшли Гомес «Ал-Иттиҳод» ҳимоя чизиғини кучайтира оладиган футболчилар рўйхатига киритилган. Саудияликлар англиялик футболчини ҳимоя марказида ва қанотда ўйнай оладиган кўп қиррали футболчи сифатида кўрмоқда. Шу билан бирга, «Ливерпул» ёзги трансфер ойнасининг сўнгги кунларида асосий таркиб футболчилари билан хайрлашишни истамаяпти.
Эслатиб ўтамиз, Гомес «мерсисайдликлар» клубида 2015 йилдан буён ўйнаб келмоқда. Ўтган мавсумда англиялик футболчи ички чемпионатда 21 та ўйинда майдонга тушди, бироқ бирорта ҳам самарали ҳаракатга эриша олмади.