"Манчестер Сити" бош мураббийи Пеп Гвардиола ушбу мавсум якунида фаолиятини қайси шарт билан якунлашини айтди.
"Агар бу мавсумда требл ютсак, мен истеъфога чиқаман. Бу аниқ. Биламан, бу жуда қийин, Англияда жуда кўп ақл бовар қилмайдиган жамоалар ўйнаган ва фақат битта Алекс Фергюсон билан бу натижани уддалаганмиз", - деди Гвардиола.
Эслатиб ўтамиз, Гвардиола "Манчестер Сити"ни 2016 йилдан буён бошқариб келмоқда. Мутахассиснинг клуб билан шартномаси 2025 йилгача мўлжалланган. "Манчестер Сити" ҳозирда 30 очко билан АПЛ турнир жадвалида 4-ўринда бормоқда. Жамоа пешқадам «Арсенал»дан 6 очко ортда қолмоқда.