Ҳиндистоннинг Мумбай шаҳрида қариндошлари томонидан ноқонуний равишда олиб кетилган беш ёшли қиз полиция томонидан топилиб, онасига қайтарилди. Бу ҳақда NDTV телеканали хабарига таяниб, Ochu.Az маълум қилди.
Тергов маълумотларига кўра, қизнинг амакиси ва холаси уни бегона шахсларга пул эвазига сотган. Кейинчалик харидорлар уни янада қимматроқ нархда бошқа одамларга беришга уринган. Мазкур маълумотлар аниқлангач, ҳуқуқ-тартибот органлари тезкор суриштирув бошлаган.
Олиб борилган тадбирлар натижасида одам савдоси билан шуғулланган жами беш киши қўлга олинди. Қутқарилган қиз мутасадди органлар назорати остида онасига топширилди. Полиция суриштируви давом этмоқда.