Ҳиндистонда умумий парламент сайловлари якунланди. Якуний босқичда, дастлабки маълумотларга кўра, 58,3 фоизга яқин сайловчилар иштирок этди. Сайлов комиссияси бу рақамлар ўзгариши мумкинлигини айтмоқда.
Сайлов участкалари маҳаллий вақт билан 18:00 да ёпилди. Парламент қуйи палатасидаги 543 ўрин учун кураш кечди. Асосий мухолифлар ҳукмрон Ҳиндистон халқ партияси ва мухолифатдаги Ҳиндистон миллий инклюзив тараққиёт альянси эди.
Бу сайловлар аллақачон дунёдаги энг йирик сайловлар деб аталган. Сабаби унда рўйхатга олинган 968 миллионга яқин сайловчи иштирок этди.