Ҳиндистон яқинлашиб келаётган «Бипаржой» циклони фонида одамларни эвакуация қилишда давом этмоқда.
Сўнгги маълумотларга кўра, Гужарат штатида қирғоқбўйи ҳудудларидан 75 минг киши вақтинчалик бошпаналарга кўчирилган. Шунингдек, 50,5 минг бош қорамоллар эвакуация қилинди. Метеорологларнинг прогнозларига кўра, яқин соатларда циклон минтақага етиб келади. Кучли ёмғир ва шамол тезлиги соатига 150 километргача бўлиши кутилмоқда. Синоптиклар қирғоқ бўйлаб баланд тўлқинлар ва сув тошқини ҳақида огоҳлантирган.