"Байер" бош директори Фернандо Карро жамоанинг ёзги трансферлари ҳақида гапирди.
“Янги трансферлар учун пул топиш сабабли ҳар йили битта йирик ўйинчини сотишимиз керак, шунинг учун биз битта футболчини сотишимиз мумкин. Аммо биз даромад эвазига яна икки ёки учта шартнома имзолашни режалаштирмоқдамиз”, — деди Карро.
"Байер" Бундеслиганинг 29-турида "Вердер"ни 5:0 ҳисобида мағлуб этиб, муддатидан олдин чемпионликни қўлга киритди. Хаби Алонсо шогирдлари клубнинг 120 йиллик тарихида илк бор Германия чемпионати олтин медали соҳиби бўлди.