Ўзбекистон олий таълим муассасаларига иккинчи ва ундан кейинги олий маълумот бўйича ўқишга кириш учун ҳужжатлар қабули бошланди.
Олий таълим, фан ва инновациялар вазирлиги маълумотларига кўра, иккинчи мутахассисликка қабул my.edu.uz платформасида 10 июлдан 10 августгача давом этади.
Иккинчи мутахассислик учун қуйидаги ҳужжатлар керак бўлади:
- фуқаролик паспорти ёки ID карта;
- бакалавриат босқичини тамомлаганлиги тўғрисидаги диплом маълумотлари;
- хорижий давлатлар таълим муассасаларининг 1992 йил 1 январдан кейин берилган дипломлари белгиланган тартибда нострификациядан ўтказилган бўлиши лозим.