Ҳукумат қарори билан 2024-2025-ўқув йилидан бошлаб Рақамли технологиялар соҳасидаги жиноятларнинг олдини олиш бўйича Тошкент ахборот технологиялари университети ҳамда Ўзбекистон миллий университетида бакалавриат таълим йўналиши ва магистратура мутахассисликлари бўйича кадрлар тайёрлаш тизими йўлга қўйилиши белгиланди.
Шунингдек, назарияни амалиёт билан уйғунлаштиришга йўналтирилган рақамли технологиялар соҳасида жиноятларнинг олдини олиш йўналишида 3-4-курс талабалари ички ишлар ва прокуратура органларида ўқув режаларида белгиланган муддатларда амалиёт (стажировка) ўташи ташкил этилади.
Бундан ташқари, университетларни рақамли технологиялар соҳасида жиноятларнинг олдини олишга доир мутахассислик фанлари бўйича ўқишни тамомлаган талабалар ҳуқуқни муҳофаза қилувчи органлардаги хизматга белгиланган махсус тартиблар ва талаблар асосида қабул қилинади.