“Индонезиянинг Шимолий Суматра провинциясида кўчкилар туфайли камида 27 киши ҳалок бўлди”, – деб хабар берган ТАСС нашри.
Қутқарувчилар бедарак йўқолган одамларни топишга ва кўчкидан зарар кўрган йўлларни тозалашга ҳаракат қилишмоқда. Хабарларга кўра, кўчкилар кучли ёмғир ёғиши ортидан келиб чиққан. Табиий офат турар-жой бинолари, масжидлар ва шоли далаларига зарар етказган.
Аввалроқ, иқлимшунослар Индонезия 2024 йил охиригача экстремал об-ҳаво шароитларига дуч келиши ҳақида огоҳлантирган эди, чунки "Ла-Нинё" иқлим ҳодисаси туфайли архипелагда ёғингарчилик кўпаяди.