Индонезияда сув тошқинлари ва кўчкилар оқибатида 21 киши ҳалок бўлди. Яна олти нафарининг тақдири номаълумлигича қолмоқда.
Ўтган пайшанба куни Ғарбий Суматра провинциясида ёғган кучли ёмғир 20 мингдан ортиқ уйни сув остида қолдирди. 80 мингдан ортиқ одам вақтинчалик бошпаналарга эвакуация қилинди. Табиий офат натижасида электр таъминотида узилишлар кузатилмоқда.
Қишлоқ ва шаҳарлар ўртасидаги йўллар тупроқ ва вайроналар билан тўсиб қўйилгани қутқарувчиларнинг ишлашига тўсқинлик қилмоқда. 150 дан ортиқ одам вайроналар остидан одамларни қидирмоқда.